Om...... Ini bukan alasan krn tdk merebut pinGgiran khan ? Krn sakit jd tdk bs rebut pinggiran................
Makenye klo sakit tuh buktiinnye di dokter bukan di empang
Tengkiu kehadirannye Om...........
badan baru aje kelar dari meriang...pagi2 ude banyak nyang ngaru-aru....Kong...nyok mancing....eehhhh..ketambahan Hendrik tumben2nye dari ciawi jiye nongtot.....biarin dah bela2in...demi milis tercinte...aye dateng juge,berubung kagak ade persiapan aye kluarin dah empan sise nyang ade di preser angetin...trus nyemplak kude besi...brangkaattt......nah baru ngeliat khannn...kondisi badan aye kayak gitu.....sesi atu disuru duduk dilapak atu...walhasil cuman ngegentak 4 biji doangan.......brik...kemek.....nah en ni nih nyang saik bener...ikan laut asil tangkepan Om BBM ame Om Wowo.....di goreng ame dipanggang...sambel terasi ditambe kecap manis...lalapnye...lalap mentimun.....keringetan dah...kagak berase badan jadi nambe tenage...kagak malu2 aye ngembat..entu ikan goreng ame ikan bakar.....biarin dah dikate rakus...rakus dah...abisan..enak bener.......!!!!!
sesi due...aye duduk dilapak 9....kagak pake lame entu empan sise dibedol nyimas..naek...trus beturut-turut ampe empat biji...eeehhh Hendrik nyang duduk dilapak 8..nyabot....jiye ngelepas kace spion...nempel...abizzzz...bebagi dah entu ikan....tapi kesianan Om Tanto...empan dikecrotin BE...kagak nempil kayaknye.....pas ikan nyang keenem...kumbul aye nyilem....beeeuuuuttt....aye gentak.....pletaaaaakkkkkk......(suaaakiiiitttt ngedenger suarenye)......entu joran pulpen aye...patah...kepakse deh aye rorot kenur...sembari dengerin ocehan anggote milis....emang dikate mancing dasaran....make hen lain.....aye ganti joran pulpen nyang atu lagi deh....ehhhh...ampe sore cuman naekin tujuh biji...kalah ame tuan rume Om Wowo..nyang emang kagak tau diri...udeh jadi tuan rume.....ngembat pinggiran...bukannye ngale...kasih keq ame nyang tua an.....yah namenye anak mude jaman gini, gono dah kelakuannye...laen kali...kalo mancing bareng Om Wowo...jangan lupe sambit lapaknye pake batu kali nyang gede biar ikan pade bubar.....!!!!
pulangnye mampir ketoko Om Benggol...sembari ngomong...Om tulung dong benerin joran aye...nih.....jiye kate ok Kong....lah pan badan masing kayak gono ngape pegi mancing juge....mending dirume, aye jawab abisan dipakse ame Om Felix...mane Om BBM ngancem kalo aye kagak dateng..pisang raje nyang jiye udeh beliin di puncak bakal jiye bejek2...yaahhh..ape boleh bulet....aye pamitan ame Om Benggol, niatan pengen nyusul Om Sugi ke empang GT Lele di Pemadan...tapi rasenye en ni awak masing badan deh...jadi kagak jadi deh.
tapi ari en ni aye mancing bener2 ngerase ade mangpaatnye...tadiannye badan lemes...banggeeetttt...tapi pas udeh nyampe empang ketemu ame setan2 empang...koq rasenye pe-laan2 en ni badan ade tenage...emang persudarean kagak ade matinye dah.
------- SAVE THE BANDWIDTH --------
Pada saat me-reply harap hapus e-mail yang tidak diperlukan atau sudah terkirim.
---- No Ads - Ads means Banned ----
http://www.mancing.info
----MANCiNGiKANMAS----
No comments:
Post a Comment